＂月光光,照地堂,虾仔你乖乖训落床＂,这些童谣童鞋们还记得多少? +关注 +发表新主题

＂月光光,照地堂,虾仔你乖乖训落床＂,这些童谣童鞋们还记得多少?

发表于讨论求助 2020-11-04 22:01:40

一首简单郎朗上口嘅童谣，

陪伴左无数童鞋嘅童年时光，

果D我哋可能已经记唔清歌词，

每次听翻都好有回忆同味道~

唔知道你哋记得几多呢~~

《月光光》、《落雨大》、《鸡公仔》

呢D咁可爱既童谣大部分已经慢慢被淹没~~~

呢D童谣係学校度唔会传授，

只有靠我哋一代一代咁流传落去~~

月光光照地堂

月光光，照地堂，

虾仔你乖乖瞓落床，

听朝阿妈要赶插秧咯，

阿爷睇牛佢上山冈。

虾仔你快高长大，

帮手阿爷去睇牛羊。

月光光，照地堂，

虾仔你乖乖瞓落床，

听朝阿爸要捕鱼虾！

阿嫲织网要织到天光。

虾仔你快高长大，

划艇撒网就更在行。

月光光，照地堂，

年卅晚，摘槟榔，

五谷丰登堆满仓，

老老嫩嫩喜洋洋啊，

虾仔你快啲眯埋眼，

一觉瞓到大天光啊。

排排坐，食粉果

排排坐，食粉果，

猪拉柴，狗烧火，

猫儿担凳姑婆坐，

坐烂个屎窟唔好赖我，

赖翻隔篱个二叔婆。

氹氹转，菊花园

氹氹转，菊花园，

炒米饼，糯米圆。

阿妈带我睇龙船。

我唔睇，睇鸡仔。

鸡仔大，捉去卖。

卖得几多钱？

卖得三百六十五个仙。

落雨大，水浸街

落雨大，水浸街，

阿哥担柴上街卖，

阿嫂出街着花鞋。

花鞋花袜花腰带，

珍珠蝴蝶两边排。

排排都有十二粒，

粒粒圆亮冇疵瑕。

大笨象，揸支枪

大笨象，

揸支枪（臭松香），

去打仗（揸支竹仔去打仗）。

打完仗，

返嚟食碗辣椒酱，

隔篱屋企烧炮仗，

问你响唔响，

唔响升你两巴掌。

肥佬肥揗揗

肥佬肥揗揗，

买舊猪肉去拜神，

行到半路屎窟痕，

返到屋企瓜老衬。

又喊又笑

又喊又笑，

乌蝇打醮，

蠄蟧濑尿，

老鼠行桥，

行到西门口，

畀人打啰柚。

点虫虫

点虫虫,

虫虫飞。

飞到荔枝基。

荔枝熟，

摘满屋，

屋满红，

伴住个细蚊公。

点指兵兵

点指兵兵，

点着谁人做大兵，

点指贼贼，

点着谁人做大贼。

丑丑丑

丑丑丑，丑丑丑，

丑甩耳仔餸烧酒。

肥婆跳舞顶第一

一二三，三二一，

肥婆跳舞顶第一。

来源：中堂微生活

提示：点击下方"阅读原文"查看更多精彩信息

↓↓↓

发表

签到

26906人签到看排名