来黄埔古港叫广州最出名嘅鸡!独家古法秘制,人均只要40蚊左右!包你翻寻味

黄埔古港首家、历史最长久嘅纯天然嘅正宗农家菜、最具镬气，人均只要40蚊，临近鱼塘，四周树木丛生，似个园林……呢D先系呢篇文嘅正确打开方式！

小编系中午一点左右去嘅，呢个钟数过咗饭点，应该系冇咩人吧！但，呵呵~我错鸟！人多到要出嚟到巷子加多几围台，都唔够！还是排长龙！排长龙！排长龙啊！

作为一名觅食吃货，小编点可以放弃走人！等！

听D街坊讲，正记开咗几十年了，老板几代人都住喺呢度，为人超nice！而且，卑小编最大感触嘅系，一路行入去，都有人喺度拉客去消费，但唯独正记冇！！当问到点解老板唔咁做，唔惊卑人抢晒D客嘅时候？老细好淡定同我讲：“佢地要抢咪抢咯！我做好自己嘅就足够了！”

可能就系因为呢种唔同人争，一心做好出品，只为食客嘅心，所以先带来各路美食达人、游客专登揸车过嚟，就连大家熟悉嘅安神、珍珠都嚟过!

七十二家房客西洋蔡饰演者李富贵同正记老板合影！

俗话说：长洲岛叹烧鹅，黄埔古港食烧鸡。正记园林美食嘅古法烧鸡早已出晒名，好多人过嚟只为吃只鸡！系每张台必点嘅菜色！

正记嘅烧鸡唔同于其他地方！鸡系正宗走地鸡。采用湿烧嘅方式！师傅通过特殊手法将花椒、蒜蓉、沙姜、洋葱等酱料全部塞入鸡肚里面，腌足成日！等到入晒味先移落炭炉度细心烧制，D酱汁同烧鸡嘅汁水相互渗透，汁水紧紧锁喺鸡里面，充分保持鸡嘅湿嫩、原汁原味。

每次出炉，老细都要手撕放汁，汁水充沛、爆涌而出，大家都可以自己撕！烧鸡外皮金黄松脆，薄薄一层，非常香脆惹味！鸡肉嫩滑，唔肥腻！老细，打包三只走，唔该！

排骨烧到外脆里嫩，焦而不柴，色泽金红，入口嘅瞬间肉汁横流，酥脆香口！

虾蛎，正记嘅特色之一！！虾蛎其实就系海边嘅细蟹仔，个头细但比任何海鲜味道都要鲜甜！系老细专门叫亲友喺南沙一带收返嚟嘅，只只新鲜，喺其他地方好难食得到。

金黄嘅虾膏喺蒸嘅时候慢慢渗透入蛋液里面，先吃到虾膏，再吃到带有虾膏甘甜嘅蒸蛋，最后系虾膏，层层递进，口感丰富！除此之外，仲有椒盐虾蛎、虾蛎粥，同样都系食客必点之物！

禾虫主要分布喺暖温带和亚热带嘅沿海，十分难抓，珍贵！摞翻嚟，要将禾虫放进水中吸饮，直到干净晒！再将禾虫翻炒至爆炒，再慢炒，保持禾虫嘅原汁原味！配上蛋，吃起身，清香鲜美，蛋嫩滑甘香！

正记用嘅食材真系真材实料！鹅，六七斤重！用香芋同鹅肉一齐焖，可以增加鹅肉嘅香味，同时亦可以减少肥腻感。鹅肉口感香浓，入口松化，肥而不腻，芋头又粉又糥，渗透满满嘅烧鹅汁。

蚬肉肥美到不要不要的，拌上辣椒茸、蒜茸、香菜茸一齐蒸，充分吸收食材嘅香味，入口首先係刺激嘅香辣，然后蚬肉嘅鲜美彻底释放，正！

嚟到黄埔古港，点可以唔试一试黄埔蛋列？鸡蛋十分嫩滑，入口即化，一下就滑落喉咙~美味到小编真系揾唔到词来形容！

入秋之后又系吃蟹嘅好时节。天气转凉后，蟹黄开始丰腴，取毛蟹与走地鸡两者共烹，菜式鲜味突出，又以当中加入玉竹、红枣、党参之类的中药材，取其药香，令菜肴嘅香气得以提升嘅同时，亦可减低肥腻嘅口感。吃起身。D汤汁醇厚香浓、鸡肉滑嫩爽口、蟹肉新鲜香甜！

冇睇个虾细细只，其实佢大有乾坤，亦系正记嘅主打菜！味道非常之鲜甜！

呢种小鱼身长不满二寸，春夏间长于水田和沟堑之中，因为弹跳力极强，骨细小，所以煎炸后可以整条鱼吞下，入口非常甘美软滑！

酥炸鱼丸绝对系一大惊喜，爽口弹牙，满嘴流香，同行嘅朋友仔都赞不绝口，加上搭配嘅酸甜酱汁，滋味更加丰富突出，妙不可言！~

讲真句，小编对柚子皮冇咩兴趣，但唯独正记嘅柚皮煮鱼菘，小编唔排斥，而且都几中意吃添！

因为佢嘅柚子皮够厚肉，唔涩！最紧要佢营养丰富，而且仲具有暖胃、化痰、润喉嘅食疗功效！

水瓜系时下嘅适时食材，味道清甜，有解暑去热嘅食效。而芋头同水瓜系经典搭配，芋头非常粉棉，当中再加入蚬肉，味道更加鲜美、口感更加丰富，而且维生素和蛋白质嘅结合，令呢味菜营养更加合理。

入口酸酸辣辣，非常开胃！番薯叶可使肌肤变光滑，经常食用有预防便秘、保护视力嘅作用，仲可以保持皮肤细腻、延缓衰老。要靓嘅朋友仔一定要多吃几啖啊！！

入秋，广州天干越嚟越干躁，老细介绍我地一定要试下香蕉紫菜河鲜汤！香蕉，选用嘅系古港当地香蕉，用料足，奶白色嘅汤十分鲜甜！清润，特别适合秋冬食用，润肺止咳！绝对推荐！

除此之外，野生塘葛菜煲鲗鱼汤都系正记嘅特色汤！汤色呈淡奶白色，鱼肉已经化作肉渣，尽数融化在汤里面，味道清淡甘凉。

从入去，到点餐，最后到用餐，每一个环节都十分周到，贴心！完全感受到古港人嘅热情、朴素！大家绝对可以一试！